Christian Education Ministry
Child Ministry
Ngei shingvaishi yemmunyupeyu Khrista, hatu dipeyu nanglei nyupeih.
Philippi 1:21
Hashihthuyu Jisu shingvaishi douvang huk nyuke, hananagkunyu hipathu shingvaishi-ao hashihyu douvang huk nyuke. Kahvangi mukhong huk kuhashih peuhapa kahdoknyulei shom tuke. Hananagku shembupa-i oang-i aipukei jen nyuhipa yao hashihdhukei oang-ei aihen nyuke hadu bupa lei chingling daosho shingvaishi mongyahshoh huhen khih. Hashihdhuku Jisu Khrista jong hadu Jisu Khrista-i jomphong shing tempu mukhong nyinghuhen-u attoi lei hangkovih nyuke. Children Ministry lei shongnyu mukhong-u hashih huk ku Jisu jong juloh-i nyinghuhen pienyu/Bupa lei mongku, Jisu homei ngei nyunyeih shei nyinghuhen (Phil 1:21).
Ministry Snapshot
Children Ministry phangkunyuhpu 20 nyupeih, Junnior class-ei nyuhpu 5, primary class-ei nyuhpu 8, beginner class-ei nyuhpu 7 hadu Sunday School sector 5 kubupeu shaep hashihdhu 470 dok kunyupeih.
Ham-i Dukpu Lemdhu/Daodhu
- Hamphongi Vacation Bible School, Children Bible Camp hadu Summer Camp yahnyeih.
- Nyih huk sport hadu picnic organize vai-ei kupjan yahnyeih.
- Buh hean hupu kupjan yahnyeih.
- Bible Quiz dokteipu kupjan yahnyeih.
- Douhinang nyipabulingei loklakhen nyuh nyeih (recycling workshop).
- Sunday School kubu ludaihen/tohdaihen hashihdhu shing graduation kupjan yahnyeih.
- Hashihdhu shing seminar lem lao lao shouhnyeih.
Mukhong Hadu Daosho
- Hashihdhu Kahvang hingshangi nyinghen hadu Kahvang kumongkempa-i khumhen lem hunyeih.
- Jisu Khrista ngei yemlei peih shei nyinghen nyuhpu venpu nyunyeih.
- Christian yangnyu huk leshi lemphuli ku nyu-ei chonghen shangmu, kahvangei shah khei vannyeih.
- Hashihdhu-uawtep shemonglei laophu lei hangkovih nyingei nyuhen shangmu jomphong kuawtep shemong lei nyuhen jonghen shongnyulem-ao nyuhnyeih.
Hashihdhunyingei Yahhen Hangkovih
Christian Educator meipu huk-i hashih huk-ei yemya teiei nyinghen shongnyunyuke. Jomphongei teih-ei yemya nyingpu homei jomphong kumekei nyuhhen venhen ha nyingaok nyuke. Hashih-ei yemya tei-ei lem lao lao nyupujen nyighen vongpong. Jenei Sunday School hashihdhu nyubuh pong 3 - 17 aa kunyuke. Jen-i jomphong ku kahvang jong nyinghuhen vaijema, jomphong ku jenei hepak shouhhen shongnyu khih hadu jomphong-ei yemya teih-ei nyinghen shongnyunyuke.
Tohpulei, Christian Ministry yuattoi kulongpu shongnyu ministry huk nyuke. Mekei shongnyuang shei hajema, jomphong-u jenei hapeuthunyuke. Ngunyih jomphong jenei mupu vaikahen. Hashihdhu-u kahvangei thintho, jomphong-u kahvangei pumukjup nyuke. (Menvih kesho 127:3).
Christian Ministry kahsho kuyongpu homei hashihdhu kubampu huhen hadu jomphong ku Kahvang lem kangshangi huhen hepak mei dangpeih shei ngei longi mongongshii deihnyeih hadu kahvang menvihnyeih. Kahvangi Christian Education Ministry kahsho netoh-i moihimante.
